ШУТИС-ийн Барилга, Архитектурын сургуулийн 65 жилийн ойг угтан “Монгол Базальт” ХК эрчим хүчний хэмнэлттэй, ногоон барилгын материал, технологийг хөгжүүлэх, оюутан залуучуудын мэргэжил, ур чадварыг шинэ түвшинд хүргэх зорилгоор харилцан санамж бичигт гарын үсэг зурлаа.
- Базальт файберт суурилсан эрчим хүчний өндөр хэмнэлттэй инновацилаг материал судалгаа хөгжүүлэх
- Барилга хийцийн нүүрс хүчлийн хийг бууруулах, орчин үеийн технологи арга зүй нэвтрүүлэх
- Оюутан, судлаачдын хөгжлийг дэмжих олон улсын их дээд сургуулиудтай болон үйлдвэр технологиуд дээр дадлагажуулан суралцуулах
- Олон Улсын хэмжээний ногоон материал судлалын томоохон туршилт, судалгаанууд хамтран хөгжүүлэх…
***
Эхний хамтын ажиллагааны хүрээнд дараах уралдаан, олимпиадыг зохион байгуулж байна.
“Green Tiny House” улсын хэмжээний уралдаан- Уг уралдааны бүртгэл 2024 оны 11 сарын 01-ний өдрөөс 11 сарын 08-ны өдрүүдийн хооронд явагдсан ба нийт 7 их, дээд сургуулийн 82 баг бүртгүүлжээ.
.jpg)
Ч.Дэндэвдоржийн нэрэмжит “Барилгын материал”-ын улсын VII олимпиад-2024 оны 12 сарын 7-нд их, дээд сургуулийн оюутнуудын дунд уламжлал болгон зохион байгуулагдана.
Мөн уг хамтын ажиллагааны хүрээнд “МОНГОЛ БАЗАЛЬТ” ХК-ийн төлөөлөгч, Монголын архитекторуудын эвлэлийн хүндэт ерөнхийлөгч, архитектор Б.БАТЖАВ "НОГООН БАРИЛГА ТӨЛӨВЛӨЛТ" сэдвээр уралдаанд оролцохоор бүртгүүлсэн оюутнуудад лекц орлоо.
